| |
Axtarış
Açar sözlər
Sayqaç
- İndi blogda: 2
- Keçən ayın hiti: 1367
- Dünənki hit: 50
- Bugünki hit: 7
- Ümumi hit: 6389
|
|
1 - Gündüzdür yenə qaralıqdır , küçələr üzərində ayaqlarım heç yerə süzülür .tənhalığımın sərt əllərində kölə kimi dinməzəm və su kimi hopuram boşluğa .sənsizdə olur , dərd budur ! diyvar başından küçəyə boylanan qoca yas çiçəyi mənə ürək versədə , bilmirəm yenə niyə , iysini xatırlaya bilmirəm . almam ! səni , məni içimdən ayırmadığına görə sevə bilirəm ! nifrətlərimi bəyəndiyinə görə ! indi məni özgələr düşünməsədə olar , mən nifrətlərimlə tanınıram ! indi hər zamandan artıq gərəyimsən sən ! qoyma sən olmazdan yaşayım , adını yaşamaq qoyarsaq bu işkəncələrin ! 2 - Yenə qaralıqdır , balaca otağıma dönürəm , yazımasamın üstünə dağılmış varaqlar , qələmlər , hamısında sən , hamısında sənsizlik . qarşımdakı tabloda " mona liza"nın soyuq təbəssümü və rəfdə qara - qırmızı saysız kitablar və hayatıma dayima züy tutmuş diyvardan asılan tar ! hamısı sənə vurğun hamısı sənə dəli ! pəncərədən hava kimi varıb ruhuma dolur " görüşəcəyikmi " sözü ! yaşayıram və ittiham budur və bu cavabsızdır . xəyalın musiqidir mənə tar çalır və körpü olur uzaqlara , sonsuzluğuma .mənə sığnacaq ver ! yoxluğun önümdə bir uçurum olur , dözünülməz olur , buz kimi , od kimi . 3 - Mən səninlə keçdim xan arazın hayat dolu ruhundan . mən səninlə keçdim arazboran urmanlarının çarpazlığından və qurtardım ! qoyma sən olmazdan yaşayım adını yaşamaq qoyarsaq bu işkəncələrin ! sevgi qurtuluşa çatmadan günahdır! Mənə bunları sənin göydən deyil yerdən qopan aydın səsin söylədi , bunları mənə damla – damla selə dönmüş duyğuların dedi. Sən bu incəliklərinlə keçdin mənim param – parça yaralarımdan ! şeh kimi sanki bir gecə ötdün mənim diriliyimdən və mənə insanlığa bax dedin ! mən daha insalığa baxdım və bərbad olduğuma belə və böyləsineydiki yaxdım özümü bir səhər qanlı bir sevdaya ! almam ! sənsizdə olur , dərd budur !
- arastu
-
- Baxış sayı:4
- Avqust 20, 2008 17:34
-
- Bölməsiz
yakovos kampanellis , ikinci dünya muharibəsindən sonra yunanistan ədəbi nəslinin adlım şairlərindən birisidir . - bu şeirdə gələn avişvits - daxav - mavthavzen - belzen , dörd ölüm düşərgəsinin adıdır kı adolf hitler dövründə bütün avropada yayılmışdır . birincisi ləhistan , ikincisi almaniya , üçüncüsü otriş və sonuncusu belcikdə dururdu . sarı ulduzdan məqsəd , altı bucaqlı ulduzidı kı sarı parçadan biçirdilər və hitler rejimi yəhudiləri məcbur edirdi onu paltarlarının köksünə tiksinlər . necədə gözəldir mənim istəklim öz gündəlik geyimində saçlarında kiçik bir darağla! kimsə bilmirdi ki o bunca gözəldir . e . . . y avişvits qızları e . . . y daxav qızları siz mənim gözəl istəklimi görübsinizmi ? - ən uzun bir səfərdə onunla qarşılaşdıq , nə əynində paltarı nə saçında darağı necədə gözəldir mənim istəklim anasının gözü , işığı və qardaşı , başdan ayağa öpərdi onu ! kimsə bilmirdi ki o bunca gözəldir . e . . . y mavthavzen qızları e. . . y belzen qızları siz mənim gözəl istəklimi görübsinizmi ? - buzlamış bir meydanda onunla qarşılaşdıq ağ biləngində bir nömrə və ürəyində bir sarı ulduz .
- arastu
-
- Baxış sayı:15
- İyul 25, 2008 12:38
-
- Bölməsiz
Sekorit qapı arxasından eşiyə doruram . xiyaban qırağında işıq saçlarından sığal alan sallaq söyüd budaqları üzərində iki qara kəpənək əl - ələ vermiş kimi oynaşaraq uçuşurlar . mən yumşaq bir oturacağa bataraq əllərimi başımın arxasına hörmüşəm . kuler işləyir . hava qızaraq özündən çıxsada mənə bir şey eləyə bilmir . bir uca boy nərmə nazik qız xaylağı yeni yetmə durna kimi səkir xiyabanda . yanında gendən qır qabına bənzəyən qara çadralı bir qadın hellənə - hellənə gedir . yaxınlıqda , tikintidə işləyən sarı baş bir gənc fəhlə tulumba kimi ah çəkib , gözdən itənə dək süzür qızı arxadan . bu halda oradan ötən bir motosikletin cırhacır səsidə gənc fəhlənin poza bilmir xəyallarını . . . Cümə axşamı gün orta saat 12 dir . görəsən sorbon oniversitəsində neçədir saat ! yaxud qənari adalarındada günortadırmı görəsən . günbəgün yeniləşən qapıların arxasından eşiyə doruram . taxta lötkə düşür yadıma , qamışlıq və çevrəsində dolaşan adın bilmədiyim ağ – apbağ uçarlar . sarıbaş gənc oğlan , o taxta qayıq üzərində , nərmə naziyi oturdub yanında quşları sayır ona bir , iki , ... onbir , oni... ." Oniki oldu kərpicləri gətir daha " , çığıran bənnanın zığlı səsi güllə kimi fəhlənin qulaq pərdəsini dəlib keçir . . .
- arastu
-
- Baxış sayı:22
- İyul 18, 2008 18:07
-
- Bölməsiz
Tarix mene dedi : qan qan qan qandım ! tarix tamam qan qan qan .
- arastu
-
- Baxış sayı:24
- İyul 8, 2008 22:59
-
- Bölməsiz
Gecəyəm , saat onbirəm ,yazmağa könüllü gəldim ! gəldim ki əlimdən dəng olan anıların ardına varım . yasaqlara baxmadan yasalara arxa çevirdim . pozdum sönük qasırğaların adını çöllərdən və arzusu bollu bu şəhərə dönən qatarlara yalvardım kı yüklərinə bir az qar tamı səpsinlər , yoxsa anlamaq ağır bu çatlı yolları, bu anlamı qavramaq ağır . sarsılır ruh , xulyaları çökərsə saxta bataqlıqlara . düzdür , hər nə öz boynumadır bu cəhənnəm qoxulu otaqlarda , küçələrdə və kağazlarda , mən könüllüyəm. əllərimdə buraxmağa hazırladığım qələm bəlkə qərinələr öncə son rəsmini çəkə bilməyən bir rəssamın barmaq sümükləridir , bəlkə . qapamadım heç pəncərəni və güldüm hayatı yazmağa can atan içimdə ki incə divə ! gecəyəm saat naməlum , varım yox , yoxum yox , beynimdə dolaşan söz parçaları qalaq – qalaq sovrulmada .nədən danışım , üzərimdən ötəcək milyardlar ilin tufanlarından . bəli bir vaxt olacaq kı bu , itəsi sətirlərimin üstündən milyardlar il, milyardlar soyuq , isti mövsümlər keçəcək . milyardlar gün , milyardlar ay , milyardlar saat ! o zaman mən harada olacayam ! anlaya bilmirəm bunu anlaya bilməz düşüncələri və belə dir ki sarsılır başdan başa daşan ruhum xulyaları çökərkən saxta gərçəklərin bataqlıqlarında . şeir yazmağa könüllü gəldim ! kimsə günahkar deyil . bir əlimdə ağ boya , bir əlimdə nəfəs , keşgə belə olaydı ! bir əlimdə ağ boya bir əlimdə . . . Nə iysə , yenə yanıq şəhərin dərvazalarına doğru gedirəm , dönən qatarlara yalvarmağa
- arastu
-
- Baxış sayı:33
- İyul 4, 2008 12:31
-
- Bölməsiz
. . . qırmızı ışıq arxasında tanışdıq, ağ cizgiler üzerinde . qırvaq arabalar tek zaman ötdü önümüzden . . . ardıcıl siqnallar - ve öylece polis fitleri ! baxmadıq , qırmızı ışıqlar arxasında sevişdik . . . ve keçilmez ne yollardan keçdik gözlerinin yaşıl ışığila !
- arastu
-
- Baxış sayı:58
- İyun 25, 2008 9:40
-
- Bölməsiz
Körpüləri arxamca sındıra – sındıra gəlirəm , daha geriyə dönür baxmaq bilə istəmirəm . hər nə olur olsun , qarşıya doğru baxışlarımı itiltmişəm , yarır adlamaq istəyirəm hər nə ki qarşıya yürüməyə qoymur məni . içimdə doğu yanlışları , doğu baxışları birər – birər soysada yeni , tər qabığımı yenə dayanamam . içimdə oturmayacaq bir çevriliş var . susuz dənizlərin arxasınca gedəcəyəm , bilirəm günəş mənə əsməyəcək , külək mənə şaxmıyacaq və mənə kimsə fəsilsiz illərin yerini göstərməyəcək . Buraxdım özümü başına , göylüm nə istəsə eləyəcək . ağlımdan bir şey çıxmadı ! qoy məni başı daşlı saysın qısa uçuşlu insanlar . qoy illərlə , on illərlə " gəbər" – im senlərdə oxunulmayan bəstələrimin qadağalığında , ancaq yanım əgər bir an yaşasam geridə . mənim keçmişim yoxdur . mən tanımıram qılıncı , gücü ,qəhrəmanları . dirilik irilikdir və belədir ki diri bağırtılarımla qçaqçılarla qucaqlaşan polislərə qızdım! Ölüm olsun ölümlərə ! mən dayana bilirdim əgər tanıq olmasaydım yağmursuz bozqurların yanıqlığına . mən yaşaya bilərdim böylə əgər aya basılan insan ləpirlərini görməsəydim . mən inandım kı hayat onun uğrunda canına qıymayanlarındır və bununlada sındırdım arxamdakı bütün körpüləri . indi , hər yağmur duasi üçün çöllərə gedərkən, çətrimi unudmuram . . .
- arastu
-
- Baxış sayı:53
- İyun 20, 2008 13:15
-
- Bölməsiz
of ! menim beyni qan mavi narım of ! sevdan sırtımda ağır qamçılar qalığıdır , çoxdan bitmişkende dutsaqlığım , yene silinmezdir bu izler . o an , adını kı sızıldaram volkanlaşar yene mende bunlar! ah ! menim beyni qan mavi narım kim ne bilir , herze ruhların cılızlığında daşqalaq olmasaydım ve doluxmasaydım qara diyvarların meyit qoxulu arxasında uzun zamanlar indi , azad bir neğmekaridım azad bir neğmekar ve oxuyurdum . . .
- arastu
-
- Baxış sayı:53
- İyun 13, 2008 0:22
-
- Bölməsiz
1 onu əllərindən qabaq yaratdilar və dilindəndə qabaq , ürəyi boyda yaratdılar , səbəb nə idi ! onca qazamatlar , onca dustaqlar , və hələ heç vaxt yayı , bərabəri olmayan sevda yolçusu . bu həyat nədir ! bu kəramət nə ! yanmazdan səfasına varmaq qadağa . bilməzdən sədasına dalmaq mahal . bilmək və bilmək və bilmək . sinirlərilə sevdi . düşmədən ayaqlara və ölmədən yoxluqlara , qopdu bir səhər qaralıqlardan və qasırğalar peşində getdi . o bilərəkdən getdi və sınmaq istəmədi qara dalğaların kirli köpüklərində . qaliba həyatda məhv olmayan bir şeylər var , və sınmayan yollar kı hər biri keçilməzcəsinə sərt . onu özündən öncə yaratdılar . . . 2 aman zamansızlığım aman gumansızlığım ! səni heyrət alanlarında tapdım . onda kı donmuşdu qaralmış qanı səhərin , səni özləməzkən . onda kı sönmüşdü atəşi mavi tonqalların uzaqlarda yuvarlanaraq səni tapmazkən . mənəm , yaralı mövsümlərin keçidində sızıldar sırtı yanana kimi və yaşmaqlanar barış röyası güllələnən ana kimi , ulayar ürək yatana kimi ! aman qolbaqları qana batmış ziyba ! sənə dəyən qurşun mənim gözlərimə dəyeydi kaş ! sənə çəkilən tətiki köksümə təpeydim kaş ! səndən sonra əllərim nədən sınmadı , səndən sonra nəfəsim nədən kəsilmədi aman , aman , aman mənim amansızlığım . . .
- arastu
-
- Baxış sayı:67
- May 20, 2008 23:11
-
- Bölməsiz
Taxıldım adınla əngin ruzgarların əsiminə , düşdüm uzaqlarda rəsmini çəkən çaxışlı şafaqların arxasınca . acılarımda bölük – bölük titrək duzluqların və dinməzcə ağlımdan ötərkən alovların , mən dayanmadım . Nəqədər ki durur çarpınmalarım və nəqədər ki bu enişsiz yolların ağlında diridir xatirəm , rənglərim atmazdır və alladıcı ılğımların peşinə enməyəcəkdir varlığım . ax ! səninlə nə uzun zamanlar əyilməz üsyançı hayatı yaşamışıq və qara dustaqların sərt dəmirliyini əzmişik inanclarımızla . alqış ayaqdan düşməz dostluğuna və səlam tükənməz sevdana nazlım . yad edirkən qurtarmazlığını , keçirəm illərin , qərinələrin bitəcəkliyindən və çayırlaşıram axarlığının boyunca . ax mənim parlaq gövhərim ! bu , banı çökmüş şəhərin qorxunc yuxularında səninlə nə çataq yaraları yaşamışıq və necə toxdamışıq neçə - neçə çilələri belə . nə deyim ! daha nələri bağırım ! o köksün dolu gizlə və o düşüncən dolu düşlə fəryadıma hoparkən . səninlə bərabər oxuduğumuz himnlər , bərabər yağdığımız şeyirlər , hamısı can hamısı həyəcan kimi qalxar beynimdə və hər zaman tutuşar acıların bölük – bölük ləpələnərkən məndə ax ! mənim buzlu səhərim . . .
- arastu
-
- Baxış sayı:63
- May 3, 2008 13:41
-
- Bölməsiz
|
|
