SƏTİRLƏRİN MAVİLİYİNDƏ

X

SƏTİRLƏRİN MAVİLİYİNDƏ

SƏTİRLƏRİN MAVİLİYİNDƏ

ərəstu mücərrəd


اؤرتــــــونن یازار : صادیک یالسیز اوچانلار کؤچورن ( اورژینال لهجه ایله ) : ارسطو مجـــرد قایناق : تورکییه چاغداش ادبیاتی اویکو لر توپلوسو 1962 ده مالاتایدا دوغدو . 1983 ده حاجت تپه اونیوئرسیته سی تورکولوژی بؤلومونو بیتیردی . بیر سوره یایینچیلیق و اؤیرتمن لیک یاپدی . بعضی چاپا وئردیی اثرلری : شعرلری سوسله ین یولچو ، قوش اویغوسو ، گئچن گون عؤموردندیر ، بیر یولچونون حاللاری و باشقالاری ... - سونوندا چیکاردیم اؤرتومو . پازارتئسیدی ساعات اون دا ملیکه حوجانین درسی واردی : چئویری تئوریلری . بیر هافتا دایانا بیلدیم . ملیکه حوجا اؤرتویله گیردیییم سون درستن بئنی چیکارمیش ، آردیمدان ، " بیر داها بئینینی اورتئن او چاپوتلا گئلمییه جئکسین " دییه باغیرمیشتی . ائرتئسی گون یؤنئتیمدن سؤزلو ، ایکی گون سونرا ایسه یازیلی اویاری آلمیشتیم . ائوه دؤنوپ ائلیمده کی ساری ظرفی کاناپئیه بوراکتیم . بیر اونا ، بیر اؤرتویه باکتیم . بو ساری چیچک پووانتیـــیئلی مور ساح ایپئک اؤرتویو بابام آلمیشتی بانا . ساحی بابامی آرامامیشتی . نه دییه جکتیم ؟ بابام بیراک اوکولو بورایا گل ، درسه ناسیل بوراکاجاکتیم ؟ هاگئنا دایدی عایله م . اورادا دوغموشتوم . بابام ، پیل فابریکاسیندا چالیشمیش ایلک گیتتیینده . هئنوز بئن یوکموشوم . آغا بئییم ایکی یاشیندا . سونرا ده ده مین بیریکتیردییی پارایلا بیر ایمبیس آچمیش . دئرکن ایش بویوموش . بیر کاچ ییلدا بیر مارکئتئه دؤنوشموش. بابام بئن آنااوکولونا گیدرکن هاگئنین ائن بویوک تورک مارکئتینی چالیشتیرییوردو . سونرا او عیللت یاپیشتی جانی نا . اوچ ییلی ائلی بئلینده ، سورکلی ایینه یاپتیراراک ،سیرت اوستو سئرت یئرده یاتاراک ،اوفلاییپ پوفلایاراک گئچیردی . مارکئتی دئوریتتی . عامئلیات اولدوکتان سونرادا اونمادی ذاتئن . اوچ آی سونرا کالکا بیلدی . بویوک بیر کامیونئت آلدیلار کالان پارایلا ، بابام توپدانجی لارا گیدا اورونلری داغیتمایا باشلادی . اوتوردوغوموز ائوی کیرئتدی چکه رک آلدیلار سونرا . هاگئنه دا چوک تورک واردی آما بئنیم آنا اوکولوندا آلمانجا کونوشوپ ، ائنجیل دن بسله نن اؤیکولر اوکوماما دایانامادی ، کارارینی وئردی . آنکارایا حالاملارا گلدیک . بیر کاچ گون سوردو سوروشتوردو حافسا سولطان دییه بیر اؤزل اوکولا یازدیردی بئنی . کئنتین دیشیندا ، سرویس له گیدیپ گلینن ، یاری یاتیلی بیر یئردی بوراسی . بابام کافاسی راحات دؤنموشتو . کیزینین اؤرتوسونه کاریشیلمایاجاکتی . اوکول ، دینی بیر جماعتین اوکولوایدی . بیولوژی درسینده آتالاریمیزین مایمون اولمادیغی آنلاتیلییوردو. موطالعه درسلرینده چئشیتلی دینی کیتاپلار اوکوتولویوردو . بایان اؤیرتمنلریمیزده اؤرتولویدو . بابامب هاواش ترمینالیندن یولجو ائدرکن یوزونوده کندیندن امین بیر ایفاده واردی ، گؤزلرینین ایچی گولویوردو ، سونرا نملندی بانا ساریلیرکن ، " هایدی کیزیم سن گیت آرتیک " دئدی ، سسی تیترییوردو ، " آرتیک گؤزوم آرکادا دئییل " . بابامین گؤزو ذاتئن آرکادا دئییلدی آما بئن بابامین بیندییی سرویس اوتوبوسو اوزاکلاشیرکن ، کندیمی اورادا یاپایالنیز حیسس ائتتیم . گلدییمدن بئری توهاف بیر حال یاشییوردوم گئرچی . آما باباما ، حالاملارا بئللی ائتمه مه یه چالیشییوردوم . بورادا هر شئی فارکلییدی . بابامین گؤنلو راحات اولسون دییه یاپمیشتیک بونو آما بانا سورمامیش ، دوشونجه می آلمامیشتی . آرتیک دئدیم کندی کندیمه بورالیسین . آلمانییانی اونوت . ان آزیندان اون ییل . بابام ، فاکولته یی بیتیریر بیتیرمز آلیجام سئنی بوردان دئمیشتی . اوتوبوس گؤزدن ییتتی . بو کارماکاریشیک ترافیکتئه کایب اولدو . بیر زامان اؤیله جه کالاکالدیم . ائوه دؤندوم . ائوه دؤندوم و حالامین یاپتیغی مانتییی یئرکن او دا والیزیمی حاضیرلادی . کاپی دان چیکانا دئیین اؤیوتلرینی سوردوردو . هافتا سون لاری ائوه گله جکتیم . حالامین بویوک اوغلو مورات بیراکتی اوکولا . Ⅶ آردی ---->
+ یازیلمیش دیر پنجشنبه 30 آبان1387ساعات 11 بعد از ظهر ا - م \|


قومــــــــلاقدا ə.m . . . بورادا ، ساچلار کوله یه وئریلمز٬ ایسلانماز یاغمورا و دنیز سنی اؤپه مز هئـــچ ! سن بیزیم ائله آچیقجا یاد ، ائله کی ناریم - دؤزه مزسن ! بو دمیر شه هرده ، ماوی روحلار آغیر آغیر پالتارلار ایچره و گون لر سانکی بیر اووج قوم ، ساورولور قومـــلاقدا ! هر شئی یاد سنه ، هر شئی اوزاق ؛ ناریم ! قایتارا بیلرمیسن اوچاق بیلیطینی !
+ یازیلمیش دیر چهارشنبه 22 آبان1387ساعات 9 قبل از ظهر ا - م \|


قایــــغی ə.m اؤزونوو اویانا بویانا دارتاراق جیرماقلاییر یئری . آدامی سانکی بیر آن دا اودماق ایسته ییر، آرا وئرمه دن هاوایا داغیلان قالین سس ، باشینا دوشور آدامین . ایت دایانماق بیلمیر. ائله بیل ده ده سین اؤلدوروبسن . کؤپئی اوغلو کؤپئی ! آز قالیربوینونداکی زنجیری پاخلا پاخلا قیرسین . گؤزلریندن اود سیچراییر چؤله . آدام گیج گیج دونوب دوروب قاباغیندا ایتین . نه اویانا گئدیر نه ده بویانا . ائله بیل هئچ بیلمیر کی ایت باغلی دیر ؛ آخی باغلی ایت نه ائیلر آداما . اوزاق باشی جیرها جیر سسی اینجیدر بیر آز آدامی یوخسا باغلی ایت نئیلرسه بیرینجی اؤزونه ائیله یر آدام اونون قاباغیندا گیج گیج باخسادا ، آخیر یولونو توتوب گئده جکدیر . ایت گؤرمه میش کیمی او آدام بونو هئچ دوشونموردو ، تیتره مـــسه ده قورخو هر یانینی بوروموش کیمی بیر آزدان ییخیلاجاقدیر سانکی . قارشیندایسا آغزیندان شیره لی سو آخاراق تکجه دیشلری آغاریردی او قارا بؤیوک ایتین . او دایانمادان هوروردو . داها هورولتوسونون زیل بمی یامان یووز آهنگینه چئوریلمیش دی. آز قالیردی اوره یی بوغارسیغی آغزیندان گلسین . آدام سا گؤز قیرپمادان ائله دووروردو ایتی . کیم گؤرسئیدی آدامی ائله بیلردی کی اونون باشی دوز ایشله میر ، قورخاقدی و ایندی ائله ییخیلیر ده یه جکدیر یئره . آدام او ایتین هورمه یینه ، اؤزوده او درجه ده حیرصلی حیرصلی هورمه یینه ساحیل دنیزه دالان کیمی دالمیشدی ! " یازیق ! گؤر زنجیر بونو نه گونه سالیب ! آدامی دا یئمک ایسته ییر لاپ ! نه گون گؤروب آخی . اونو لاپ کوچوکلویوندن تانییرام ، هر یاندان خبرسیز کیمی هامینی اؤزونه دوست ساناردی . هر کیمی گؤرسئیدی آناسی کیمی اونون قوجاغینا آتیلماق ایسته ییردی. قاباغینا قاچیب یوموشاق قولاقلارینی قول قیچینا سورتوردو آدامین . ایکی آغ قاشی و بورنونون قهوَه یی یه چالان رنگی اونون گؤزللیینی داهادا آرتیریردی ! چوخ چکمه دی آنجاق . داش اوره کلی یییه سی اونون قارا یوموشاق قولاقلارینی کسیب باغلادی بو سووخایا قالمیش دمیر زنجیره ! یازیق ! گؤر نئچه ایل دیر بو زنجیر اونون بوینوندادیر . بیر آددیملیق دا اویانا گئده بیلمیر . هردن بیر « یییه سی » نین سیرفاسیندان قالان تیکه پارا آرتیقدان نه یییه جک نه دویاجاق بو قارا اسیر ایت ! نه واختی واختیندا یئمک ، نه یوموشاق بیر نون ، نه قاچان قاچان نه کوتتشمه و نه ده بیر قایغی ! قیش باهار ، یای پاییز زنجیر اونون بوینوندادیر . منده اولسام ائله . . . " آرادان نئچه آن کئچدی بئله جه . هئچ بیر سس یوخیدی داها،هئچ نه قولاغا ده یمیردی ، ایت سوسموشدو آرتیق ، تکجه هردن بیر بوشونا بوللاییردی باشینی . ایندی یه کیمی بونجا قاباغیندا دوروب اونا قارداشجاسینا باخان اولمامیشدی ! کوچوکلویونده خبرسیزجه ایناندیغی کیمی ، اؤزونو آدامین قوجاغینا آتماق ایسته ییردی ...
+ یازیلمیش دیر یکشنبه 12 آبان1387ساعات 9 قبل از ظهر ا - م \|


بو یازقیـــمیز دئـــــییـل ə.m . . . مور بویالی سس گلیر ، تپینمه دن تــــَــتییه قورشونلار چؤله چیرپینیر چیخماغا . سس گلیر، مور بویالی سس لر ... مارش چالینیر ، بیرلشیر ساعاتلار . قاییتماغا چیغیردا یوخ بئله ! چؤرک آرخاسینجا و سو گؤتورمه یه ایره لی قارشی دا یاشیل اولدوز دایاناجاغیندا گؤزله یه نیم وار . ال لرینده ایتگین یوللارین آدی و بیر یازی کی کوچه سی باللی شه هرلره باغیرار هئیکل لرین سینمازلیغیندان اوخویور ! آمان ائولین ! نه لر سؤیله ییر یوللارا بو نارینجی کوفتانین ! روحونا دولارکن چکدیین رسم لر ، و آرخاسیندا جیزارکن قونور جیزگیله یازدیغین کی : بو یازقیمیز دئییل ، بیز مارش چالیریق ، ساعاتلارینیزی بیرلشدیرین ... اوچ اولدوز وار ساچلاریندا ائولین . بیزه نه لردن دانیشاجاق اونلار ؛ قورد قیران چووغون ، ایسلاق اورمان و بوزلاق یوللاردانمی ! مور بویالی سس گلیر اوزاق دان قامچی لاییر شافاق سیز اوجقارلاری بورولقان هاوا و تنها شابالید دینمزجه دوورور اوستــن دونموش ایرماقلاری ! سنین سس سیزلییندیر منی اویادان ائولین !
+ یازیلمیش دیر دوشنبه 6 آبان1387ساعات 8 قبل از ظهر ا - م \|


سـسیمی ائــشیدمیرسنــسه ə.m ســـرر ماساما قارالانماغا نه دوش لر و اوچورار توپا توپا سود یولونا دک نه باش لار مندن بو سئودا . آنی لاری اونودولماسین ، اسپانیولجا اوخودوغون شعرلر و دوزلو – دوزلو ، گوله – گوله چئویرمه لرین بیزه او شعرلری : باتوم لارلا آفیش لرین دؤیوشو و خییابانلاری یاغاری آلتینا آلار یاغیشلارین هؤرویونه دولاشار ائنمز ال لر ! اونودولماسین ! اونودولماسین ! لپیرلرین هله ده دورور ؛ تاختا نرده ده سئودیین یاس یارپاقلاری و زمزمه ائتدیین- آی ایشیغیندا- ماهنیسی:" گل گئدک بیزه ، دوراق اوز اوزه آی ایشیغندا ..." پنجره نیز سن هر باخار کن اوخشاردی، آرخاسیندان گول دولو فورغونا باخان قیزجیغاز لی اون بئشینجی قرینه لرین رسم اثرینه و سن او قیز ! بورام – بورام قوخور خاطیره نیز هله ده ... سون آرزودا صلیبه چکیلسه بئله یئنه یئری وار یارینلارا اینانجلارین ! چؤکه مز شئه لی اوزاقلارا اوزانان جیغیرلارین یولا دوشه نی و سینماز هئچ بیر قورشونلا پارتلاق دوداقلاری گؤزلر بولاقلارین گوزگوسو ! اسپانیولجا اوخودوغون ماهنی لار دیمدیینده زیتون بوداقلاری گزدیرن قوشلار کیمی، قوپاماز قاسیرغالار اسسه بئله باشیمدان و فریادیما بو قیرمیزی ایزلرین تپر اولار داییما ! سانما سنله دوغان سئودا سن سیز بوراخیلاجاقدیر باشینا ! من آفیش لریمیزیــن دلی سی یم سسیمی ائشیدمیرسنسه ال لریمه باخ باری ، ال لریمه باخ نفسلی دیرلر هله ده نازلیم و خط لرینده اللریندن خریطه لر یازدان یازا کؤرپو کؤرپو ! قورتولوشونا یئترم بیر واخت و آلمالارینیزدان سبد سبد ایچه رم ؛ آنی لارین اونودولماسین ، سود یولونا دک نه باش لار مندن بو سئودا اوچورار توپا توپا و سرر ماساما قارالانماغا نه اوزون اوزون دوش لــر ...
+ یازیلمیش دیر دوشنبه 29 مهر1387ساعات 10 بعد از ظهر ا - م \|


زیـــل چالدیــــغیندا یازار : حولیا آکتـاش کؤچورن( اورژینال لهجه یله ) : ارسطو مجـرد قایناق : کاپالی اؤیکولر کاپالی اؤیکولر ، تورکییه ده دَییشیک یازارلارین " باش اؤرتوسو " سورونو چئوره سینده یازدیقلاری اؤیکولردن اولوشور . گوزه ل بیر باهار گونشی سیرالارین آراسیندا اؤیرنجی لره گؤز کیرپاراک دولاشییوردو . بیر آن اؤنجه ، زیل چالار چالماز دیشاری فیرلامالارینا گیزلی بیر داوعتییه چیکارتییور گیبی دی. تنففوسته چوجوکلار آلا بیلد یینه کوشوپ اوینالارکِن، او دا آرکالاریندان ایسسیسی و ایشیغیلا دانس ائده جک ، بیر نئوی کندینه اؤزگو جوشکوسویلا اویونلارینا کاتیلاجاکتی . باهار آیلاری اییجه ایلئرلئییپ نئرئدئیسه یاز سیجاکلاری باشلادیغی ایچین چوجوکلارین درسه ایلگی سی اییجه آزالمیشتی ذاتِن . شیمدی تک دوشونجه لری بیر آن اؤنجه تاتیله گیریپ گؤنوللرینجه کوشوپ اویناماک ، گونشین ، دنیزین ، کومون تادینی چیکارتماکتی . یئنی بیر ییل گلمه دن اؤنجه گئچن ییلین یورقونلوغونو آتماک ، ذیهنن و بدنن جاپجانلی ، بیر اوست صینیفا باشلاماکتی . حایال لری ، اومیت لری ، بو اومیت لرینین اؤته سینده عاییله لریله بیرلیکته یئنی بیر ییلا باشلاما اومیتی اولمایان بیری داها واردی صینیف لاریندا : اؤیرتمن لری ... بو اوکولا بئش ییل اؤنجه گلمیشتی . گلدییی سنه گنج و دینامیک اولدوغوندان دولایی بئشینجی وئرمیش لردی اونا . او ییل اؤیرنجی لرینی مِئــذون ائتــتیکتن سونرا ائرته سی ییل بیرینجی صینیفا آلمیش و مینی مینی جیک یاورولارلا کوس کوجا سئنه لری دئویره ، دئویره گلمیش ، شیمدی دؤردونجو صینیفی دا گئری ده بیراکمیشلاردی . الله کیسمت ائدرسه گله جک سنه بونلاردا مِئذون اولاجاکلاردی . ایچینده بیر سیکینتی واردی . اؤیله سانییوردو کی ، سنه یه اؤیرنجی لرینین مئذونییتینی گؤرمه یه جکتی . اونجا وئردیی امکتن سونرا حاصیلاتی توپلایامایاجاک ، اثرینی کندی اللریله بیلینمزه بیراکیپ گیده جکتی . شو آنا کادار یوزونه کارشی یاپیلامیش آچیک بیر سوچلامایادا کیناما اولمامیشتی آما اطرافینداکی درین سیزلیک سئزگیلرینده حاکلی اولدوغونو فیسیلداییپ دورویوردو . اوکول ایداره سینه ایستن مییوردو . بیر گروپ اؤیرتمنینده دستگینی آلان ایداره اونو ییپراتماک ایچین نئردئیسه گیزلی بیر کامپانییا یوروتمکته ایدی . ایداره یه دستک وئرمـَـیــَـنلرسه سس سیز کالییورلاردی . بو ان آزیندان Ⅶ آردی ---->
+ یازیلمیش دیر سه شنبه 23 مهر1387ساعات 0 قبل از ظهر ا - م \|


گؤنـدریلمه ین مکتـــــوب ! ə . m او گونو داش دؤشَــنکلی بیر کوچه ده اوز – اوزه ، گؤز – گؤزه چارپارکن کئچدیک اوره ییمیز قارشیسیندان . بورالار دئییل دی . یاخین بیر اوزاغین کوچه لرینده . منی تانیمادین . سن منی تانیمادینمی ؟! دوغرودور تانییا بیلمزدینده ! آخی نه اورا داریسقال سللول و نه اللریم مور ایدی! کؤینه ییمده میل – میل دئییلدی و اوزوم توکلو ! و نه ده 1995 . منی داها بنزریم چوخ اولان بو مین رنگلی شه هرده نئجه تانییاجاقدین ! منیدیم ، من؛ داها دوزه لن "سینیخمیش" اوزومله ! اِ ...ه باشیمی ایتیرمیشم لاپ ! آخی ماوی کراواتلا و توت بوز کت شالوارلا بو ایلیق یئللرین سیغالی آلتیندا نئجه تانییاجاقدین منی . بو ، اوزونه بزک چکیلمیش ، دئوریله – دئوریله قانسیز زامانلارین قالیغینی ! اوزاقلاشماغا ساری ، سللول دان سللولا کئچرکن آغریدان توتدوغوم بارماقلاریمی قاچاراق باغلاماق ایسته دین لئچه یینله ؛ اونودمیشدین کی اولماز ! گؤروش واختیندان آز قالیر دئدیلر . منی تیترک بیر گولمک توتدو ، عصب داوالاریمی یئمه دییمدن ! اون ایله نئجه دؤزه جکدین . هله اینانسایدیندا کی من گوناهسیزام ! زهریمار چادرا قویمادی دویونجا گؤروم سنی . اینجه لیینی گؤزدن ایتینجه گؤرمک ایسته ییردیم ... سن بیر فیدان کیمی هله چوخ گنجیدین و قارشی دا اونیوئرسیته نین آغیر تست لری واردی. بیزی بیر یئنی دوستاق یاساسی آییردی :« تکجه بیرینجی عایله عضولری گؤروشه گله بیلر لر»... ایندی من ده ییشمیشممی ! یوخ – یوخ تکجه ایچیمده گیزلنمیشم ! یئنه اللریم مور ، روحوم مـــور و شه هر داریسقال سللولدور منه ، لاپ کؤینه ییم میل – میل اولماسادا ! بو یاسادان سونرا بیر داها ، هئچ واخت هئچ بیر سللولدان سللولا کئچرکن لئچه یینی یاشامادیم . ائشیتدیم کی سینیرلاری آدلامیسان اوزاقلاراجاق! ... بیر ته هر گلدیم ! بو اوزاق شه هرده ، سن ایدینمی او گونو قارشیما چیخان ! یوخسا داش فرشلی او کوچه ده ایللرجه یاشادیغیم کابوسلاردان بیریدیمی . . .
+ یازیلمیش دیر سه شنبه 16 مهر1387ساعات 4 بعد از ظهر ا - م \|