sətirlərin maviliyində

Üzərimdən ötəcək . . .

İyul 4, 2008 12:31, Bölməsiz, arastu, Şərhlər(0)

 Gecəyəm , saat onbirəm ,yazmağa könüllü gəldim ! gəldim ki əlimdən dəng olan anıların ardına varım . yasaqlara baxmadan yasalara arxa çevirdim . pozdum sönük qasırğaların adını çöllərdən və arzusu bollu bu şəhərə dönən qatarlara yalvardım kı yüklərinə bir az qar tamı səpsinlər , yoxsa anlamaq ağır bu çatlı yolları, bu anlamı qavramaq ağır . sarsılır ruh , xulyaları çökərsə saxta bataqlıqlara . düzdür , hər nə öz boynumadır bu cəhənnəm qoxulu otaqlarda , küçələrdə və kağazlarda , mən könüllüyəm. əllərimdə buraxmağa hazırladığım qələm bəlkə qərinələr öncə son rəsmini çəkə bilməyən bir rəssamın barmaq sümükləridir , bəlkə . qapamadım heç pəncərəni və güldüm hayatı yazmağa can atan içimdə ki incə divə ! gecəyəm saat naməlum , varım yox , yoxum yox , beynimdə dolaşan söz parçaları qalaq – qalaq sovrulmada .nədən danışım , üzərimdən ötəcək milyardlar ilin tufanlarından . bəli bir vaxt olacaq kı bu , itəsi sətirlərimin üstündən milyardlar il, milyardlar soyuq , isti mövsümlər keçəcək . milyardlar gün , milyardlar ay , milyardlar saat ! o zaman mən harada olacayam ! anlaya bilmirəm bunu anlaya bilməz düşüncələri və belə dir ki sarsılır başdan başa daşan ruhum xulyaları çökərkən saxta gərçəklərin bataqlıqlarında . şeir yazmağa könüllü gəldim ! kimsə günahkar deyil . bir əlimdə ağ boya , bir əlimdə nəfəs , keşgə belə olaydı ! bir əlimdə  ağ boya bir əlimdə . . . Nə iysə , yenə yanıq şəhərin dərvazalarına doğru gedirəm , dönən qatarlara yalvarmağa

nə yollardan keçdik . . .

İyun 25, 2008 9:40, Bölməsiz, arastu, Şərhlər(2)

   . . .  qırmızı ışıq arxasında

                                         tanışdıq,

           ağ cizgiler üzerinde .

           qırvaq arabalar tek

                                      zaman ötdü önümüzden . . .

            ardıcıl siqnallar -

                                 ve öylece polis fitleri !

            baxmadıq ,

            qırmızı ışıqlar arxasında

                                               sevişdik . . .

             ve keçilmez

                               ne yollardan keçdik

                                gözlerinin yaşıl ışığila !

Mən inandım kı . . .

İyun 20, 2008 13:15, Bölməsiz, arastu, Şərhlər(1)

   Körpüləri arxamca sındıra – sındıra gəlirəm , daha geriyə dönür baxmaq bilə istəmirəm . hər nə olur olsun , qarşıya doğru baxışlarımı itiltmişəm , yarır adlamaq istəyirəm hər nə ki qarşıya yürüməyə qoymur məni . içimdə doğu yanlışları , doğu baxışları birər – birər soysada yeni , tər qabığımı yenə dayanamam . içimdə oturmayacaq bir çevriliş var . susuz dənizlərin arxasınca gedəcəyəm , bilirəm günəş mənə əsməyəcək , külək mənə şaxmıyacaq  və mənə kimsə fəsilsiz illərin yerini göstərməyəcək .                                         Buraxdım özümü başına , göylüm nə istəsə eləyəcək . ağlımdan bir şey çıxmadı ! qoy məni başı daşlı saysın qısa uçuşlu insanlar . qoy illərlə , on illərlə " gəbər" – im senlərdə oxunulmayan bəstələrimin qadağalığında , ancaq yanım əgər bir an yaşasam geridə . mənim keçmişim yoxdur . mən tanımıram qılıncı , gücü ,qəhrəmanları . dirilik irilikdir və belədir ki diri bağırtılarımla qçaqçılarla qucaqlaşan polislərə qızdım! Ölüm olsun ölümlərə ! mən dayana bilirdim əgər tanıq olmasaydım yağmursuz bozqurların yanıqlığına . mən yaşaya bilərdim böylə əgər aya basılan insan ləpirlərini görməsəydim . mən inandım kı hayat onun uğrunda canına qıymayanlarındır və bununlada sındırdım arxamdakı bütün körpüləri . indi , hər yağmur duasi üçün çöllərə gedərkən, çətrimi unudmuram . . .                                                                                                                                                                                      
Baxış sayı: 93
Açar sözlər:

doluxmasaydım . . .

İyun 13, 2008 0:22, Bölməsiz, arastu, Şərhlər(0)

  of ! 

menim beyni qan mavi narım

                                         of !

sevdan sırtımda ağır qamçılar qalığıdır ,

çoxdan

bitmişkende dutsaqlığım ,

yene silinmezdir bu izler .

o an , adını kı sızıldaram

volkanlaşar yene mende bunlar!

ah ! menim beyni qan mavi narım

kim ne bilir ,

herze ruhların cılızlığında daşqalaq olmasaydım

ve doluxmasaydım

qara diyvarların meyit qoxulu arxasında uzun zamanlar

indi ,

azad bir neğmekaridım

azad bir neğmekar

ve oxuyurdum . . .

Səni tapmazkən

May 20, 2008 23:11, Bölməsiz, arastu, Şərhlər(1)

 1 

onu əllərindən qabaq yaratdilar və dilindəndə qabaq , ürəyi boyda yaratdılar , səbəb nə idi ! onca qazamatlar , onca dustaqlar , və hələ heç vaxt yayı , bərabəri olmayan sevda yolçusu . bu həyat nədir ! bu kəramət nə ! yanmazdan səfasına varmaq qadağa . bilməzdən sədasına dalmaq mahal . bilmək və bilmək və bilmək . sinirlərilə sevdi . düşmədən ayaqlara və ölmədən yoxluqlara , qopdu bir səhər qaralıqlardan və qasırğalar peşində getdi . o bilərəkdən getdi və sınmaq istəmədi qara dalğaların kirli köpüklərində .  qaliba həyatda məhv olmayan bir şeylər var , və sınmayan yollar kı hər biri  keçilməzcəsinə sərt . onu özündən öncə yaratdılar . . .                                     

2

aman zamansızlığım aman gumansızlığım ! səni     heyrət alanlarında tapdım . onda kı donmuşdu qaralmış qanı səhərin , səni özləməzkən . onda kı sönmüşdü atəşi mavi tonqalların uzaqlarda yuvarlanaraq səni tapmazkən . mənəm , yaralı mövsümlərin keçidində sızıldar sırtı yanana kimi  və yaşmaqlanar barış röyası güllələnən ana kimi , ulayar ürək yatana kimi ! aman qolbaqları qana batmış ziyba ! sənə dəyən qurşun mənim gözlərimə dəyeydi kaş ! sənə çəkilən tətiki köksümə təpeydim kaş ! səndən sonra əllərim  nədən sınmadı , səndən sonra nəfəsim  nədən kəsilmədi aman , aman , aman mənim amansızlığım . . .      

Fəryadıma hoparkən

May 3, 2008 13:41, Bölməsiz, arastu, Şərhlər(0)

Taxıldım adınla əngin ruzgarların əsiminə , düşdüm uzaqlarda rəsmini çəkən çaxışlı şafaqların arxasınca . acılarımda bölük – bölük titrək duzluqların və dinməzcə ağlımdan ötərkən alovların , mən dayanmadım .                                                                              Nəqədər ki durur çarpınmalarım və nəqədər ki bu enişsiz yolların ağlında diridir xatirəm , rənglərim atmazdır və alladıcı ılğımların peşinə enməyəcəkdir varlığım . ax ! səninlə nə uzun zamanlar əyilməz üsyançı hayatı yaşamışıq və qara dustaqların sərt dəmirliyini əzmişik inanclarımızla . alqış ayaqdan düşməz dostluğuna və səlam tükənməz sevdana nazlım . yad edirkən qurtarmazlığını , keçirəm illərin , qərinələrin bitəcəkliyindən və çayırlaşıram axarlığının boyunca . ax mənim parlaq gövhərim ! bu , banı çökmüş şəhərin qorxunc yuxularında səninlə nə çataq yaraları yaşamışıq və necə toxdamışıq neçə - neçə çilələri belə . nə deyim ! daha nələri bağırım ! o köksün dolu gizlə və o düşüncən dolu düşlə fəryadıma hoparkən . səninlə bərabər oxuduğumuz himnlər , bərabər yağdığımız şeyirlər , hamısı can hamısı həyəcan kimi qalxar beynimdə və hər zaman tutuşar acıların bölük – bölük ləpələnərkən məndə ax ! mənim buzlu səhərim . . .                                                      
Baxış sayı: 108
Açar sözlər:

Uzaqlarda

Aprel 21, 2008 16:10, Bölməsiz, arastu, Şərhlər(0)

 Atdım ! badaqlar kimi dayanmışdı qurtuluşumun önündə . ona dayima durmadan getməyi vurğulasamda ancaq o bilmirdi ki mən çoxdanıydı onun gözlərindən ötmüşdüm və əllərinə batmaz qanların yuxusunu danışmışdım . o hələ bilmirdi ki burada yağmur gözəl alinanın ölümündən sonra hələ bir anlıqda olsun bu şəhərin yatağına girməyibdir . atdım ! mənə və bizə əngin göylər gərəkidi , şişələri yumaq və sonra damla – damla dustaqlığımızdan qaçmaq .  ona dayima deyirdim ki  mən bir mavi dayanacaq arxasıncayam oradan kı gedir , havayılığa çatmaq olur və ölməyi sındırmışlar orada . . .         Qurtardı ! gözünü   qırpınca səhər açılacaq və bizi oxumağa bir saniyə belə vaxt tapmayan kimsələr , nələr çəkmişik bilmiyəcəklər və qəhqəhələrilə tozlara çönmüş döyüntülərimizin üzərindən saymazca ötəcəklər və heç vaxt bilməyəcəklər ki gözəl alina adlı bir şehlər tanrısı yaşayarmış buralarda və birisi hər gün ondan bir rəsm varlığa pay çəkərmiş .    Atdım ! o mənə o çılğın gedişlərin yerini verə bilməzdi və duya bilməzdi ki dayanmaq necədə bağışlanılmaz bir suçdur .   Alatorandır , lalcasına bayan bir heykəlin qarşısında dayanmışam , qollarımda ağ qərənfillərdən əklil və bir roman əzbərimdə , sətir – sətir hayatdan duyduqlarımı oxuyuram ətəyinə . bayan bir  heykəl ! batqın gözləri uzaqlarda bir dayanacağa dikilmiş . . .                                                                                                                          

Yetməzmi ?

Aprel 14, 2008 22:19, Bölməsiz, arastu, Şərhlər(0)

1

 yığdım ruhumu yolundan ,

  gözlemeyeceyem

2

 keçinmiş bir fidandır

  ne uma bilir yağmurdan

3

 anılarla , umudlarda

  ayağdan düşmüş

4

  bunca yetmezmi ?

                yox

                yox

                daha gerek deyil        . 

Diyvarlardan o yana

Aprel 7, 2008 0:10, Bölməsiz, arastu, Şərhlər(0)

Nazim hikmətdən iraq !

Mart 27, 2008 14:02, Bölməsiz, arastu, Şərhlər(0)

                                     

  . . .

yaşamaq

      bir məzar kimi   

tək və hür              

və bir məzarlıq kimi

                       ,qardaşcasına          

         bu tale bizim